Публикации » ИНВАЛИДСЕНЕ – КОМПЕНСАЦИ

23 июля 2008 г.

«Об обязательном страховании гражданской ответственности владельцев транспортных средств» федераллă законпа килĕшÿллĕн, социаллă хÿтлĕх пайĕсем урлă транспорт хатĕрĕ илнĕ инвалидсене обязательнăй страховани договорĕпе тÿленĕ суммăран 50 процентне тавăрса памалла. Асăннă компенсацие транспорт хатĕрĕпе унăн хуçи е договорта кăтартнă тепĕр çын çеç усă курсан илме пулать. Хальхи вăхăтра социаллă хÿтлĕх пайĕнче заявленисем йышăнаççĕ. Инвалидăн заявленипе пĕрле паспорт, перекет кĕнеки памалла. Çавăн пекех ОСАГО полисĕн копине, страхланăшăн договорпа тÿлени çинчен калакан квитанцие тата транспорт хатĕрĕн паспортне тăратмалла.

Паянхи куна районти социаллă хÿтлĕх пайне компенсаци пама ыйтса 7 çын заявлени çырнă.

Источник: "Каçал Ен"