19 июля 2008 г.
Раççей Правительствин саккунне пурнăçласа нумаях пулмасть районти Тукай, Кайнлăк ял поселенийĕсен пуçлăхĕсем Петр Муллинпа Сергей Журавлев Челябинск хулине кайса килнĕ. Çакăн пек çул çÿревсене пĕр-пĕрин паха опычĕпе паллашас, çĕннине курас тĕллевпе çулсеренех йĕркелеççĕ. Пуçлăхсем Ульяновск облаçĕнчи Чердакла районĕнче, Самар облаçĕнчи Сергиев районĕнче пулса курнă. Оренбург облаçĕнчи Çурçĕр поселокĕнчи паллăрах вырăнсемпе те паллашнă. Тутарстан Республикинчи Елабуга хулине çитсе курнă. Челябинск облаçĕнчи, Пушкăртстан, Чăваш Республикисенчи ял поселенийĕсен пуçлăхĕсем хутшăннă регионти семинарта патшалăх полномочийĕсене вырăнти самоуправлени органĕсемпе ĕçе кĕртес ыйтăва тĕплĕн сÿтсе явнă. Пушкăртстан Республикине тĕслĕх вырăнне илсе семинара хутшăнакансем муниципаллă пĕрлешÿсен ĕçне пушкăрт халăхĕн йăли-йĕркипе пĕрле йĕркелессипе паллашнă. Чăваш Республикин муниципаллă пĕрлешÿсен канашĕн директорĕ В.Максимов çитес вăхăтра конкурссемпе тĕрĕслевсем ирттерессине пĕлтернĕ. Çул çÿрев вăхăтĕнче ял тата хула поселенийĕсен пуçлăхĕсем пĕр-пĕрин шухăшĕсене пĕлтернĕ, ĕç опычĕпе, унăн вăрттăнлăхĕсемпе паллашнă.
Источник: "Каçал Ен"