19 июля 2008 г.
Паспортпа виза службин уйрăмне куллен вуншар çын килет. Кашнинех тĕрлĕ ыйту. Кам пуçласа паспорт илет, тепри 20 е 45 çул тултарсан ăна улăштарать, çухатса килекеннисем те пур. Ют çĕр шыв паспорчĕсене илекенсем çулран-çул йышлансах пыраççĕ. Кăçал кăна 160-шне унпа тивĕçтернĕ. 1260 çынна паспорт панă. Паспорт — çыннăн тĕп докуменчĕ. Унпа яланах типтерлĕ пуласчĕ, саккуна пăсмасăр усă курасчĕ.
Ĕç графикĕ вара пирĕн халĕ улшăннă. Ытларикун, юнкун, кĕçнерникун, эрнекун 9 сехетрен пуçласа 18 сехетчен ĕçлетпĕр. Граждансене 9 сехетрен 15 сехетчен йышăнатпăр. Апат вăхăчĕ — 13 сехетрен 13 сехет те 45 минутчен. Шăматкун 9 сехетрен пуçласа 16 сехет те 45 минутчен граждансене йышăнатпăр. Вырсарникунпа тунтикун — канмалли кунсем. Çынсене çак графикпа килĕшÿллĕн килме ыйтасшăн.
Источник: "Каçал Ен"