16 июля 2008 г.
Унчченхи çулсенче районти чылай вăтам шкулта “Трактор” предметне вĕрентетчĕç. Аттестатпа пĕрле арçын ачасем машинист-тракторист удостоверенине те илме тивĕçлĕ пулатчĕç. Шел, юлашки çулсенче районти икĕ вăтам шкулта çеç ачасене тракторпа çÿреме вĕрентеççĕ. Хырай Ĕнел тата Асанкасси вăтам шкулĕсенче ку предмета сыхласа хăварнă. Асанкасси вăтам шкулĕн производство мастерĕ Н.В.Данилов палăртнă тăрăх, кăçал шкул пĕтернĕ 8 ача удостоверени илнĕ.
Паянхи кун ял хуçалăх предприятийĕсенче механизаторсем çитменни палăрать. Унчченхи çулсенче шкул пĕтернĕ ачасем колхоза юлнă, машина-тракторпа ĕçленĕ. Хулана кайса вĕрениччен тăван шкултанах удостоверени илсе тухни паха та çав.
Источник: "Каçал Ен"