16 июля 2008 г.
Утă уйăхĕн 12-мĕшĕнче Муркаш районĕнчи Шетмĕпуçĕнче ЧР власть органĕсен 7-мĕш Спартакиадин çуллахи тапхăрĕ иртнĕ. Ĕçе пурнăçлакан власть органĕсен, вырăнти самоуправлени, федераци ведомствисен сотрудникĕсемшĕн ку ăмăртусем йăлана кĕнĕ, кăçал вăл 7-мĕш çул иртнĕ.
Спартакиадăна хутшăнакансене ЧР физкультурăпа спорт министрĕ Анатолий Николаев ăнăçу суннă. Çавăн пекех ЧР Президенчĕн администраци ертÿçин çумĕ Мефодий Архипов, ЧР Патшалăх Канашĕн аппарачĕн ертÿçи Александр Иванов салам сăмахĕ каланă.
Власть органĕсен ĕçченĕсен командисем вĕрен туртассипе, футболла выляссипе, апат-çимĕç хатĕрлес, пулă тытас енĕпе иртнĕ эстафетăра тупăшнă. Хутăш эстафетăра тата футбол выляссипе Шупашкар хулин администрацине çитекенни пулман. Вырăнти самоуправлени влаçĕсен органĕсенчен канашсем 3 ăмăртура та 2-мĕш вырăна тухнă. Комсомольски район администрацийĕн команди футбол выляссипе палăрнă, 3-мĕш вырăн йышăннă. Ытти енсемпе те япăх мар кăтартусем тунă.
Источник: "Каçал Ен"