Публикации » ПĔЛТĔРХИНЧЕН ЫТЛАРАХ ПРОДУКЦИ КĂЛАРНĂ

16 июля 2008 г.

«Кооператор» производство комбиначĕ пĕрремĕш çур çула лайăх кăтартусемпе вĕçленĕ. Кунти ĕçченсем алкогольсĕр тата минераллă шывсем 200 пин дал тултарнă. 6 уйăхра 17 миллион тенкĕлĕх продукци туса кăларнă. Çакă иртнĕ çулхипе танлаштарсан чылай нумайрах. Комсомольскисем кăларакан тутлă шывсене ытти районсенче те кăмăллаççĕ. Ăна райпо магазинĕсем те, оптовиксем те хапăлласах туянаççĕ. «Кооператорăн» тутлă шывĕсем тĕрлĕ конкурссенче лайăх пахалăхшăн малти вырăнсем çĕнсе илнĕ. Акă кăçал та Чăвашпотребсоюз совечĕ йĕркеленĕ «Чи лайăх продукци» конкурсра«Хлебный» квасшăн комсомольскисене пĕрремĕш степеньлĕ Дипломпа чысланă.

Источник: "Каçал Ен"