09 июля 2008 г.
Хальхи вăхăтра районти организаци -предприятисенче те, уйрăм хуçалăхсенче те строительство ĕçĕсем пыраççĕ. Паллах, техникăсăр май килмест. ЧР Патшалăх техника надзорĕ унта ĕçлекен техника хатĕрĕсен юсавлăхне, ĕç хăрушсăрлăхĕн правилисене пăхăннине тĕрĕслесе тăрас шутпа июнĕн 25-мĕшĕнчен пуçласа июлĕн 2-мĕшĕччен «Стройка» операци ирттересси çинчен приказ кăларнăччĕ. Эпир строительство ĕçĕсем пыракан 6 предприятие çитсе куртăмăр. 25 трактора, кунсăр пуçне экскаваторсене, бульдозерсене, автогрейдерсене, прицепсене юсавлăхĕнчен пăхса хак патăмăр. 4 предприятире тупса палăртнă çитменлĕхсене пĕтерме предписани çырма тиврĕ. «Комсомольский РСУ» ХАОн, «ПМК Комсомольская "11» ХАОн, «МСО Комсомольская» ХАОн техника тĕлĕшпе тивĕçлĕ мерăсем йышăннă. Темиçе хутчен асăрхаттарнă пулсан та вĕсем палăртнă кăлтăксене пĕтерме васкамаççĕ. Итлемесен, эпир каланине хăлхана чикмесен ирĕксĕрех кирлĕ мерăсем йышăнма тивет. Çавăнпах 4 предприятие пурĕ 1600 тенкĕлĕх штраф патăмăр.
Строительство ĕçĕ хăйне- евĕрлĕхпе палăрса тăрать. Кунта асăрханулăх, техника юсавлăхĕ пысăк пĕлтерĕшлĕ. Çавăнпа та малашне çурт-йĕр хăпартакан тата ытти юсав ĕçĕсем тăвакан организацисенче техника шанчăклă пултăр тесе тăрăшмалла.
Источник: "Каçал Ен"