02 июля 2008 г.
Çумăрсем çукаласах тăраççĕ пулин те районти пĕрлешÿллĕ хуçалăхсенче ĕç шавĕ татăлмасть. Кашни уяр кунпа туллин усă курма тăрăшаççĕ.
Хальлĕхе районĕпе 2816 гектар нумай çул ÿсекен курăксем çулнă. Унран утă, сенаж хатĕрлеççĕ. Районĕпе 2003 тонна утă пур. “Слава” 300 тонна, “Труд” 268 тонна, “Искра” 200 тонна, “Дружба” 150 тонна, “Луч” 132 тонна, “Рассвет” 120 тонна çак паха апата хатĕрленĕ.
Районĕпе 5147 тонна сенеж янтăланă. Ку енĕпе “Рассвет” (1250 тонна), “Урожай” (1000 тонна), “Труд” (837 тонна), “Асаново” (450 тонна), “Восток” (260 тонна) хуçалăхсем ла-йăх ĕçлеççĕ.
Ял хуçалăх предприятийĕсем çĕр улми уйĕнче те вăй хураççĕ. Колорадо нăрринчен, çум курăксенчен, чир-чĕртен имçамсем сапаççĕ. Ку ĕç вĕçленсе пырать. Хуçалăхсенчи специалистсен нумай çул ÿсекен курăксене пĕрремĕш хут çулса хатĕрлессине хăвăртлатмалла. Иккĕмĕш хут çулма курăк аталантăр. Çавăн пекех хирсен хĕррисене те çулса тухмалла. Унта çум курăксем ытларах, вĕсем пулса çитсен анасене вăрлăх сапма пултараççĕ.
Источник: "Каçал Ен"