18 июня 2008 г.
Иртнĕ эрнере район администрацийĕнче депутатсен Пухăвĕн черетлĕ ларăвĕ иртрĕ. Унта палăртнă кун йĕркипе 8 ыйту пăхса тухрĕç. Чи малтанах район администрацийĕн капиталлă строительство тата коммуналлă хуçалăх пайĕн начальникĕ Б.М.Каринкин тухса калаçрĕ. Вăл районти коммуналлă инфраструктура системине 2008-2010 çулсенче аталантарассипе çыхăннă комплекслă программăпа паллаштарчĕ, ăна йышăнса хăварма сĕнчĕ. Çавăн пекех нумай хваттерлĕ çуртсенче юсав ирттерес енĕпе те сăмах хускатрĕ. Районта пурĕ 199 çурт нумай хваттерлĕ шутланать. Пур çуртра та юсав ĕçĕсем ирттерни паха. Ку енĕпе çине тăрсах ĕçлемеллине палăртрĕ.
Экономика, пурлăх тата çĕр хутшăнăвĕсен пайĕн начальникĕ М.А.Титова пĕчĕк тата вăтам предпринимательствăна аталантарас енĕпе йышăннă программăпа паллаштарчĕ. Финанс пайĕн начальникĕ И.Г.Васильева район бюджетне улшăнусем кĕртес ыйтупа тухса калаçрĕ. Районта коррупцие хирĕç кĕрешсе тĕрлĕ мероприятисем йĕркелес енĕпе А.Г.
Ямалетдинов специалист-эксперт каласа пачĕ.
Районти административлă комиссин членĕсене улăштарса, вĕсен вырăнне А.Г.Ямалетдиновпа В.Н.Гордеева суйларĕç. Депутатсем тĕрлĕ ыйту сÿтсе яврĕç. Кирлĕ йышăнусем турĕç.
Источник: "Каçал Ен"