04 июня 2008 г.
Атласкин фермер хуçалăхĕ районта ăнăçлă ĕçлесе пырать. Кунта пĕрчĕллĕ тата пăрçа йышши тырпул çитĕнтереççĕ, çĕрулми тата ытти культурăсем туса илеççĕ. Иртнĕ çул хуçалăх 97 гектар кĕрхи тулă акса хăварнă. Кăçал çуракинче механизаторсем хастар ĕçленĕ, планпа палăртнă культурăсене акса-лартса хăварнă. Уйрăмах ку енĕпе Г.Портнов тракторист хастар пулнă. Хальхи вăхăтра уй-хир культурисене çумкурăкран, сиенлĕ хурт-кăпшанкăран им-çамсем сапасси пырать. Агротехника ĕçĕсене вăхăтра пурнăçлани тухăç çине витĕм кÿретех.
Выльăх-чĕрлĕх отраслĕ енĕпе те ĕçлеççĕ. Ĕнесем талăксерен 11—12-шер килограмм сĕт антараççĕ. А.Семенова доярка хăйне шанса панă ĕçе тÿрĕ кăмăлпа пурнăçлать. В.Васильева пенсионеркăпа Е.Алексеева та тăрăшуллă.
Хуçалăхăн сыснасем те пур. В.Петрова кунта лайăх ĕçлесе пырать. Хăй умне лартнă тĕллевсене пурнăçлать.
Аталанать хуçалăх, вăй илсех пырать. «АПК аталанăвĕ» наци проектне пурнăçлас, ĕçе кĕртес енĕпе тăрăшать.
Источник: "Каçал Ен"