28 мая 2008 г.
Пирĕн районти спортсменсем футбол енĕпе республика шайĕнче пĕрре мар палăрнă. Хальхи çамрăксем те хастар. 1995—1996 çулсенче çуралнисем республика чемпионатĕнче япăх мар вылянă. «Сăран мечĕк» чемпионатра 1993—1994 çулсенче çуралнисем Тăвай районĕнчи ачасене парăнтарса çурма финала тухнă. Июнĕн 2-мĕшĕнче вĕсене тепĕр хĕрÿ тупăшу кĕтет.
Хăй вăхăтĕнче районти футболистсен «Кубня» команди республикăри иккĕмĕш дивизионри чемпионатра пĕрремĕш вырăн йышăннăччĕ. Вăл командăра вылянисем паянхи кун та спортран уйрăлмаççĕ. Çулсенче пулсан та мечĕк хăвалаççĕ, çи-тĕнÿсем тăваççĕ.
Кăнтăр районĕсен пĕрлештернĕ ветерансен команди Шупашкарти «Энергия» футбол командине çĕнтернĕ. Пĕрлештернĕ команда йышĕнче пирĕн районта пурте лайăх паллакан, пĕлекен футболистсем Е.Тихонов, Р.Мансуров, Н.Волков, В.Шатов вылянă. Вĕсем шупашкарсене 4:0 шутпа парăнтарнă. Çамрăксен тĕслĕх илмелли пурах.
Источник: "Каçал Ен"