28 мая 2008 г.
Районти ял хуçалăх кооперативĕсенче тĕш тырă культурисем 14 пин гектар йышăнаççĕ. Вĕсене вăхăтра çум курăкран тасатас енĕпе 5500 гектара им-çам сапнă. Пур хуçалăх та çак ĕçе çине тăрса пурнăçланă.
Çĕр улмине пурĕ 2007 гектар лартнă. Хуçалăхсенче «иккĕмĕш çăкăр» йăранĕсене кăпкалатаççĕ, çак ĕçе 1300 гектар çинче пурнăçланă. «Слава», «Алга» ял хуçалăх кооперативĕсем, «Слава картофелю” агрофирма çĕрулми лаптăкĕсене гербицид сапма пуçланă. Ытти хуçалăхсенче те çак ĕçе вăхăтра пурнăçламалла.
Минатуллин фермер хуçалăхĕнче 68 гектар хуратул акнă. «Правда» ОООра çак культурăна 60 гектар çинче акма палăртаççĕ.
Ир акнă тĕштырă культурисем çине уйрăмах пысăк тимлĕх уйăрмалла, агротехника ĕçĕсене вăхăтра тата пахалăхлă пурнăçлас тесе тăрăшмалла.
Источник: "Каçал Ен"