24 мая 2008 г.
Районти ял хуçалăх кооперативĕсем çĕр улми лартса пĕтернĕ. Халĕ йăран хушшисене кăпкалатаççĕ. Çак ĕçе пурĕ 1226 гектар çинче пурнăçланă. “Труд”, “Асаново” хуçалăхсем, “Урожай” колхоз ĕçе вĕçленĕ те. Çак кунсенче “Слава картофелю” агрофирма, “Рассвет” ЯХПК йăрансене кăпкалатса пĕтереççĕ. Кукуруза 125 гектар акнă: “Трудра” — 23 гектар, “Востокра” — 80 гектар, “Алгара” — 20 гектар. Районта хура тул çитĕнтерекен хуçалăхсем те пур. Майăн 22-мĕшĕ тĕлне Минатуллин фермер хуçалăхĕнче — 20, “Луч” хуçалăхра 8 гектар çак культурăна акнă. Мĕн акнине çумкурăкран тасатас енĕпе имçам сапаççĕ. Ĕçе 5122 гектар çинче пурнăçланă. Уйрăмах “Дружба”, “Труд”, “Асаново”, “Луч” ял хуçалăх кооперативĕсенче, “Слава картофелю” агрофирмăра, Минатуллин фермер хуçалăхĕнче, “Дубрава” ООО-ра çине тăрсах ĕçлеççĕ. Хуçалăхсенче пахчаçимĕç культурисем акаççĕ.
Источник: "Каçал Ен"