21 мая 2008 г.
«Единая Россия» парти «Çĕршыври чи лайăх ача-пăча тренерĕ» конкурс ирттерет. Вăл ачасене, хĕр упраçпа яш-кĕрĕме сывă пурнăç йĕркипе туслашма пулăшакан физкультура учителĕсене, тренерсене тупма пулăшĕ.
Пысăк спорт ача спортĕнчен пуçланать. Çавăнпах «Единая Россия» пулас Олимп чемпи- онĕсене хатĕрлекенсене, сывă наци çитĕнтĕр тесе тăрăшакансене хавхалантарать. Çĕнтерÿçĕсене темиçе номинаципе палăртĕç: «Чемпион тренерĕ», «Халăх тренерĕ», «Шкулти тренер», «Ача-пăчан çамрăк тренерĕ», «Ăнтăлу».
Спорт тытăмĕнче ача-пăчапа ĕçлекенсем, вĕрентÿ тытăмĕнчи физкультура учителĕсем; секци, кружок тренерĕсем; вырăнта тĕрлĕ ăмăрту ирттерекен хастар çынсем; сусăр, йывăр шăпаллă ачасемпе, тăлăх пепкесемпе ĕçлекенсем конкурса хутшăнса хăйсен вăйне виçме пултараççĕ. Тĕплĕнрех www.edinoros.ru е www.e.cap.ru сайтсенче тата партин регион уйрăмĕнче (Шупашкар хули, Ленинград урамĕ, 32 çурт, тел.: 8(83552)62-10-88) ыйтса пĕлме пулать.
Источник: "Каçал Ен"