17 мая 2008 г.
ЧР Министрсен Кабинечĕ 2008 çулхи апрель уйăхĕнче 2008—2010 çулсенче çуллахи вăхăтра ачасемпе çамрăксен сывлăхне çирĕплетес, канăвне йĕркелес, ĕç тупса парас тĕлĕшпе пурнăçламалли ĕçсем пирки ятарлă постановлени кăларнăччĕ. Район пуçлăхĕ Г.Ф.Волков та çак енĕпе йышăну тунă. Унпа килĕшÿллĕн çул çитмен ачасен, уйрăмах профилактика учетĕнче тăракан çамрăксен тата социаллă пулăшу кирлĕ вĕренекенсен канăвне йĕркелесси çине тимлĕх уйăрмалла. Воспитани ĕçне туса пымалла, алкоголизма, наркомание, пирус туртнине тата ытти усал йăласене хирĕçлекен мероприятисем ирттермелле.
Хушма пĕлÿ паракан тата спорт енĕпе ĕçлекен учрежденисен ĕçне вăйлатмалла. Ял поселенийĕсен пуçлăхĕсемпе, предприяти, организаци ертÿçисемпе пĕрле ачасен канăвне йĕркелес мероприятисене çирĕплетмелле.
Кăçалхи çул ачасен ĕçпе канăвне йĕркелес енĕпе ĕçлекен ведомствăсем хушшинчи комисси туса хунă. Унăн председателĕ — районти вĕрентÿ пайĕн начальникĕ Н.А.Максимов, çумĕ – Т.В.Долгова. Комисси йышĕнче: районти тĕп больницăн тĕп врачĕ М.И.Федорова, «Комсомольскинчи ĕçпе тивĕçтерес енĕпе ĕçлекен центр» ФГУ директорĕ Н.В.Антонов, администрацин физкультурăпа спорт енĕпе ĕçлекен тĕп специалисчĕ Е.А.Тихонов, социаллă хÿтлĕх пайĕн заведующийĕ И.А.Никитина, обязательнăй медстрахованин районти фончĕн директорĕ З.А.Галкина, районти шалти ĕçсен пайĕн инспекторĕ А.А.Розов, патшалăх пушар надзорĕн аслă инспекторĕ В.В.Мамуткин, социаллă страхованин районти фончĕн директорĕ В.А.Тихонова, Патшалăх потребнадзор управленийĕн Чăваш Республикинчи Патăрьел территори уйрăмĕн специалисчĕ О.П.Кузьмина.
Вĕсен ачасемшĕн кану тапхăрĕ усăллă, савăнăçлă пултăр тесе тăрăшмалла.
Источник: "Каçал Ен"