17 мая 2008 г.
М.Галиуллин ют пурлăха хапсăнма кăмăллать. Иртнĕ çулхи август уйăхĕнче вăл Александровкăна çитет. Унта çаран çинче çÿрекен вăкăра куç хывать. Нумай шутласа тăмасть, 150 килограмм таякан янавара илсе каять.
Çав çулах декабрь уйăхĕнче Кивĕ Сĕнтĕрте хăма çуракан цеха та кĕрсе тухать вăл. Унтан пушă алăпа каймасть. «Дружба» моторлă пăчкă пĕрле илет. Кунпа çеç лăпланмасть-ха вăл. Çав кунах «Правда» ОООн складĕнче мĕн пуррипе те кăсăкланать. Алăка пуртăпа çĕмĕрсе кĕрсе ОВС-20 сортировкăн 50 метрлă кабельне илсе тухать.
Вăрă çулĕ çине тăнишĕн унăн çирĕп режимлă колонире 3 çул та 6 уйăх ирттерме тивет.