Публикации » ÇĔРУЛМИ ХИРНЕ ШĂВАРАÇÇĔ

14 мая 2008 г.

Паянхи кун тĕлне районта пур хуçалăхсенче те тенĕ пекех мĕн палăртнине акса, лартса пĕтернĕ тесен те тĕрĕсех пулĕ. Ял çынни культурăсем шăтса тухасса кĕтет, анчах çанталăк шăрăх тăрать. Акса, лартса хăварнă ÿсентăран культурисем типсе каяс хăрушлăх пур. Çакна шута илсе «Слава картофелю» агрофирма май пур таран лартнă çĕрулмине шăварма тăрăшать. Ку енĕпе вĕсем «Чувашмелиоводхоз» ФГУ управленийĕн районти филиалĕпе килĕшÿ тунă. Агрофирмăн Хирти Сĕнтĕр (унчченхи «Сундырь» ЯХПК пулнă) çĕрĕсене арендăна илнĕ лаптăксене асăннă организаци шăварса тăрать. Хирсене шăвармалли агрегатсем вырнаçтарнă. Шывне çывăхри пĕверен илсе тăраççĕ. Унччен мелиораципе кашни районта, чылай колхозра ĕçленĕ пулсан, халĕ вăл пăрахăçа юлчĕ. Паянхи кун ÿсентăрансене пирĕн районта çеç, «Слава картофелю» агрофирмăра шăвараççĕ. Ку ĕçе ăнăçлă йĕркеленĕ. Специалистсем шыв тăпра нÿрĕлĕхне сыхласа хăварасса шанаççĕ.

Источник: "Каçал Ен"