14 мая 2008 г.
Комсомольскинчи вăрман çывăхĕнче палаткăсем ÿссе ларчĕç, тавралăх ачасен сассисемпе тулчĕ. Майăн 12-мĕшĕнче кунта савăнăçлă лару-тăрура çамрăк армеецсен йăлана кĕнĕ «Зарница» тата «Орленок» çарпа спорт вăййисем пуçланчĕç. Ăна районти çар ĕç комиссарĕ А.А.Маурин подполковник уçрĕ. Салам сăмахĕсемпе район пуçлăхĕ Г.Ф.Волков, вăрçă, ĕç, спорт ветеранĕ С.И. Зубарев, район администрацийĕн вĕрентÿ пайĕн начальникĕ Н.А.Максимов тухса калаçрĕç, çамрăк армеецсене ăнăçу, вăй-хал, çитĕнÿсем сунчĕç. Вăйăсенче шкул ачисен тĕрлĕ енĕпе тупăшма тивет.
Ăмăрту ялавне пĕлтĕрхи «Орленок» тата спорт вăййисенче çĕнтернĕ Тăманлă Выçли вăтам шкулĕн çамрăк армеецĕ çĕклерĕ.
Паян, майăн 14-мĕшĕнче, вăйăсем вĕçленнĕ. Ăмăртусем, çĕнтерÿçĕсем пирки тĕплĕнрех хаçатăн çитес номерĕсенче çырса пĕлтерĕпĕр.
Источник: "Каçал Ен"