06 мая 2008 г.
Апрелĕн 22-мĕшĕнче Чăваш Енĕн Спорт министерствипе Пĕтĕм Раççейри çăмăл атлетика Федерацийĕ ХХIII Тĕнче Кубокне хатĕрленессипе селектор канашлăвĕ ирттернĕ. Ăна Мускаври оргкомитет членĕсем, çăмăл атлетика федерацийĕн президенчĕ В.Балахничев, Тĕнче Кубокĕн координаторĕ Михаил Бутов, ЧР спорт министрĕ А.Николаев, Кубок дирекцийĕн ертÿçи В.Ефимов тата ыттисем хутшăннă. Канашлура хатĕрленÿ ĕçĕнчи кулленхи ыйтусене — ку вăл хăнасене вырнаçтарасси, судьясен, допинг тĕрĕслевĕн службин, массăллă информаци хатĕрĕсен ĕçĕсене йĕркелесси тата ыттине те хускатнă. Кирлех-тĕк, Мускавран Шупашкара хушма авиарейссем йĕркелеме май пуррине те палăртнă.
Источник: "Каçал Ен"