06 мая 2008 г.
Çĕнтерÿ кунĕ çывхарнă май районти вăрçă ветеранĕсен тата инваличĕсен пĕр ушкăнне «Лада-21074» автомобильсем панă. Луцки ялĕнчи Иван Павлович Владимировпа Иван Иванович Савельев, Эткерти Василий Григорьевич Скворцов, Йăлмахвари Василий Николаевич Чаржов, Кивĕ Сĕнтĕрти Раиса Сергеевна Фадеева, Урмаелĕнчи Зинетзян Ямалтдинович Алеев, Нĕркеçри Александр Сидорович Семенов, Дубовкăри Сергей Кириллович Совин, Хирти Мăратри Василий Иванович Иванов çак чыса тивĕçнĕ. Вĕсене савăнăçлă лару-тăрура район пуçлăхĕ Геннадий Волков, районти ветерансен совечĕн председателĕ Юрий Тимофеев саламланă, ырлăх-сывлăх, вăрăм ĕмĕр суннă. Вăрçă çулĕ витĕр тухнă, Тăван çĕршывшăн çапăçнă ветерансем хисепе чăннипех те тивĕçлĕ.
Шел, автомашина илнĕ Иван Иванович Савельев Çĕнтерÿ кунне кĕтсе илеймерĕ.
Источник: "Каçал Ен"