06 мая 2008 г.
Районта тăтăшах тĕрлĕ мероприяти ирттереççĕ. Конкурссене, фестивальсене, смотрсене хаваспах хутшăнатпăр. Нумаях пулмасть Киров поселокĕнче пултаруллă ачасене тупса палăртас тĕллевпе “Звездочка” конкурс йĕркелерĕмĕр. Конкурса Н.Филиппова ”Шансаччĕ” юрăпа уçрĕ. Настьăн илемлĕ сасси пурне те тыткăнларĕ.
Конкурса Н.Абимова, Т.Никифорова, С.Никифоров, А.Иванова, И.Канюков, Э.Хуссаитова, Н.Матвеева çамрăк юрăçсем хутшăнчĕç. Çамрăк артистсем пĕринчен тепри пултарулă иккен.
Т.Никифорова сасси чи илемли те уççи пулчĕ, вăл пĕрремĕш вырăна тивĕçрĕ. Н.Абимова — иккĕмĕш, Э.Хуссаитовăпа А.Иванова виççĕмĕш пулчĕç. Пурне те грамотăсем парса чысларĕç.
Источник: "Каçал Ен"