30 апреля 2008 г.
2-мĕш “б” класра вĕренекенсем пĕр-пĕринпе питĕ туслă пурăнаççĕ. Ашшĕ-амăшĕ те класра йĕркелекен мероприятисене савăнсах хутшăнать. Пулăшу кирлĕ-и, тĕрлĕ ыйтăва сÿтсе явмалла-и ашшĕ-амăшĕсен комитечĕ яланах пулăшма хатĕр пулни савăнтарать. Вĕренекенсем те мероприятисенче хастарлăхпа палăрса тăраççĕ. Вĕсем класра, шкулта иртекен конкурссене хутшăнаççĕ. “Планета детства 911” ÿкерчĕксен конкурсĕнче вĕсем 2-мĕш вырăна тухма пултарчĕç. Д.Карнеева, К.Камалдинова, А.Хайртдинова ăсталанă ÿкерчĕксем уйрăмах илемлĕ. “Сердце матери” конкурсра А.Кокорева 3-мĕш вырăна тухма пултарчĕ.
Ачасем сăвăсем, сочиненисем çырма, ÿкерчĕксем тума, тĕрлĕ япаласем ăсталама та маттур. Вĕренекенсен ăсталăхĕ малашне татах та ÿссе пырасса шанас килет.
Источник: "Каçал Ен"