30 апреля 2008 г.
Наци кĕнекисен регионсем хушшинчи «Кĕнеке урлă — халăхсен килĕшĕвĕ патне» VI-мĕш фестивальне хутшăнса мартăн 24-мĕшĕнче Елчĕк районĕнче Тутар кĕнеки кунĕ иртнĕччĕ. Уява пирĕн районти библиотекарьсем те хутшăннă.
«Чувашоргтехника» ООО тĕп директорĕ Наил Хайрутдинов библиотекăсене тутарла çырнă кĕнекесем 40 пин ытла тенкĕлĕх парнеленĕ. Çав шутра пирĕн района — 9405 тенкĕлĕх 352 экземпляр.
Тутар халăхĕ пурăнакан ялсен библиотекисене Чăваш Республикинчи Тутарсен наципе культура автономийĕн Президенчĕ Ферит Гибатдинов пысăк парне кÿнĕ. Комсомольски, Елчĕк, Патăрьел, Шăмăршă районĕсенчи вулавăшсене «Тутар энциклопеди словарĕ» 36 экземплярпа çитнĕ.
Источник: "Каçал Ен"