26 апреля 2008 г.
Çак кунсенче Йÿç Шăхальпе Юнтапа ялĕсенче ĕç вĕресе тăчĕ. Унта пурăнакансем ушкăнпа урамсене тирпей-илем кĕртрĕç. Шурут ял поселенийĕн пуçлăхĕ А.К.Алексеев, «Победа» ял хуçалăх кооперативĕн ертÿçипе специалисчĕсем В.И.Ефремов, В.И.Лукиянов, С.Н.Кузьмин пуçарăвĕпе çак ĕçе туслăн пурнăçларĕç. Н.В.Архипов тата М.С.Маштанов хăйсем бригада йĕркелесех тăрăшрĕç. А.И.Дюкин, А.М.Еремеев трактористсем çÿп-çапа ятарлă вырăна турттарса кăларчĕç. Депутатсем те айккинче юлмарĕç.
Малашне те ял çыннисем тасалăхшăн тăрăшма пулчĕç.
Источник: "Каçал Ен"