19 апреля 2008 г.
ЧР Президенчĕн Н.Федоровăн «Йывăç ларт та упра» ятпа йывăç кунĕ ирттересси çинчен Указĕпе килĕшÿллĕн район пуçлăхĕ Г.Волков йывăç-тĕмĕсем лартас, тавралăха тирпей-илем кĕртес енĕпе уйăхлăх иртересси çинчен постановлени кăларнă. Вăл апрелĕн 7-мĕшĕнче пуçланнă, майăн 15-мĕшĕччен пырать. Ял поселенийĕсен пуçлăхĕсене пур йышши харпăрлăхри предприятисемпе организацисен ертÿçисене çак уйăхлăха вырăнта ирттерессине йĕркелеме хушнă. Йывăç лартма, парксене, скверсене, аллейăсене, садсене тирпей-илем кĕртме шкул ачисене ялсенче пурăнакансене, ĕçлекенсене явăçтармалла.
Тирпей-илем хамăршăн, çавăнпа та район çыннисем уйăхлăха хастар хутшăнасса шанас килет.
Источник: "Каçал Ен"