Публикации » ПАСПОРТА ВĂХĂТРА УЛĂШТАРМАЛЛА

16 апреля 2008 г.

Паспорт çыннăн тĕп докуменчĕ шутланать. Анчах та çакна пурте тивĕçлипе йышăнмаççĕ. Вăхăт çитсен те паспортсене улăштармаççĕ. Районта вара СССР паспорчĕсемпе пурăнакансем те пур-ха. Кашни ял поселенийĕнчех тĕл пулаççĕ, пурĕ 53 çын. Вĕсене тăтăшах асăрхаттараççĕ, паспорта улăштармаллине калаççĕ пулсан та васкамаççĕ. Кивĕ паспортсемпех пурăнаççĕ. Тĕп документ кулленех кирлĕ мар-ши; Халĕ паспорта пур çĕрте те ыйтаççĕ. Çак йышра çамрăксем пурри те тĕлĕнтерет. Вĕсем час-часах тухса çÿреççĕ, тĕрлĕ документсем те хатĕрлеççĕ пулĕ. Çак çынсем вара темшĕн кивĕ паспортпах усă кураççĕ. Эпир вĕсене пирĕн пата килсе тĕп документа васкасах улăштарма сĕнесшĕн.

Источник: "Каçал Ен"