12 апреля 2008 г.
Пирĕн районти хăшпĕр шкулта «Çамрăк космонавтсем» тата «Пуçламăш техника ăсталăхĕ» кружоксем ĕçлеççĕ. Унта çÿрекен ачасем иртнĕ çул хăйсен ăсталăхĕпе республика ăмăртăвĕнче палăрчĕç. Вĕрентÿ пайĕн пуçлăхĕ Н.А.Максимов пулăшнипе пирĕн вĕренекенсем Çĕнĕ Шупашкарта иртнĕ тупăшура пулчĕç. Ку хутĕнче эпир хамăр алăпа ăсталанă, пÿлĕмре вĕçекен аппаратсемпе паллаштартăмăр.
Асанкасси тата Комсомольски 1-мĕш вăтам шкулĕсен вĕренекенĕсем Дима Катмаковпа Сергей Краснов II, III вырăнсене çĕнсе илчĕç, медальсемпе дипломсене тивĕçрĕç. Юлашки 18 çулта кун пек çитĕнÿ туни пулманччĕ-ха.
Апрелĕн 12-мĕшĕнче Космонавтика кунне палăртнă май çамрăк ăстаçăсем ракета моделĕсене вĕçтерчĕç. Ачасен ĕмĕчĕсем çунатлă. Малашне те малти вырăнсене йышăнма шутлаççĕ вĕсем.
Источник: "Каçал Ен"