05 апреля 2008 г.
Нумай çул тÿрĕ кăмăлпа ĕçленĕшĕн, çитĕнÿсем тунăшăн ЧР Министрсен Кабинечĕ кăçалхи мартăн 28-мĕшĕнче «Ĕç ветеранĕ» ят парасси çинчен постановлени кăларнă. Унпа килĕшÿллĕн çак ята пирĕн районти Евгений Григорьевич Басников (Çĕнĕ Мăрат), Василий Сергеевич Еремеевпа Петр Александрович Можаев (иккĕшĕ те Комсомольски), Леонид Васильевич Земсков (Тури Тимĕрчкасси), Сайри Фаттаховна Сатертдинова (Урмаел) тивĕçнĕ. Çавăн пекех ЧР Министрсен Кабинечĕ «Чăваш Республикин ĕç ветеранĕ» ята парасси çинчен те йышăну тунă. Хырай Ĕнелĕнчи Василий Алексеевич Белковпа Нина Яковлевна Зайцеван, Маргарита Яковлевна Седлован, Чĕчкенти Равил Алимзянович Галеевăн, Луцкинчи Александр Тимофеевич Микенинпа Галина Петровна Петрован «Чăваш Республикин ĕç ветеранĕ» хисеплĕ ят пулĕ. Вĕсене саламлатпăр, вăрăм ĕмĕр сунатпăр.
Источник: "Каçал Ен"