18 мая 2018 г.
Иртнĕ эрнере Правительство çуртĕнче ЧР Министрсен Кабинечĕн Председателĕ Иван Моторин ертсе пынипе йĕркелỹ комитечĕн ларăвĕ иртнĕ.
ЧР экономика аталанăвĕн министрĕ Владимир Аврелькин пĕлтернĕ тăрăх - республика уява экономикăри çитĕнỹсемпе кĕтсе илет. Республика кунĕ тĕлне В.И.Чапаев ячĕллĕ заводра, Муркаш районĕнчи "Çеçпĕл" пĕрлĕхре, Шупашкарти "Чăвашторгтехника" пĕрлешỹре çĕнĕ производствăсем уçма палăртнă.
Чăваш Республикин культура министрĕ Константин Яковлев пĕлтернĕ тăрăх - çулсерен иртекен "Раççей çăлкуçĕсем" фестивале кăçал Сĕнтĕрвăрри районĕнче уçма палăртнă. Çирĕпленнĕ йăлапа июнь уйăхĕн 23-мĕшĕнче Пĕтĕм чăвашсен Акатуйĕ пулĕ, тепĕр кунне Хĕрлĕ тỹремре Чăваш Енри ачасен пĕрлештернĕ хорĕ юрлĕ. Уява концерт тата салют вĕçлĕ.
Сăмах май, Республика кунĕн тĕп мероприятийĕсем кăçал çĕртме уйăхĕн 24-мĕшĕнче Шупашкарта тата Красноармейски районĕнче иртĕç.
Источник: "Каçал Ен"