27 февраля 2018 г.
Комсомольскинчи ĕçпе тивĕçтерекен центр ĕçсĕр юлнă граждансене пулăшас тĕллевпе вĕсене обществăлла ĕçсене активлă хутшăнма сĕнет.
Обществăлла ĕç вăл - официаллă ĕç вырăнĕ. Кашни ĕçченпе килĕшỹ çыраççĕ, ун çинчен ĕç кĕнеки çинче палăртаççĕ;
- ĕçленĕ тапхăр стажа кĕрет;
- çак тапхăрта сире шалу тỹлеççĕ;
- хăвăра килĕшекен ĕç тупаймасан ĕçсĕррисене тỹлекен укçапа тивĕçтереççĕ.
Юлашкинчен, чун туртнă ĕçе яланлăха вырнаçма пултаратăр.
Кăçал çулталăк пуçланнăранпа 4 договор çырнă, çак килĕшỹсемпе учетра тăнă 18 çын ĕçе вырнаçнă.
Обществăлла ĕçсене хутшăнас кăмăллă граждансене эпир вырăнти ĕçпе тивĕçтерекен центрта хапăл туса кĕтетпĕр. Пирĕн адрес: Комсомольски ялĕ, Завод урамĕ, 29-мĕш çурт. Ыйтса пĕлмелли телефон: 5-13-79.
Е.ЖУКОВА.
Источник: "Каçал Ен"