09 февраля 2018 г.
"Паха вăрлăхран анчах аван тухăç илĕпĕр", - теççĕ специалистсем. Çавна май районти хуçалăхсенче çитес çуракинче акмалли пĕрчĕллĕ тата пăрçа йышши культурăсен вăрлăхĕсене хатĕрлес ĕç малалла пырать.
Район администрацийĕн ял хуçалăхĕпе экологи пайĕн начальникĕ Вячеслав Никифоров пĕлтернĕ тăрăх, çитес çуракинче акмашкăн пурĕ 2612 тонна тĕш тырă кирлĕ. Февралĕн 2-мĕшĕ тĕлне районта тĕрĕслеве тăратнă 25985 центнер тĕш тырăран 16989 центнерĕ е 65 проценчĕ - кондициллĕ.
Районта вăрлăха 100 проценчĕпех кондицие лартнă хуçалăхсем те пур. Вĕсем - Самаринăн, Минатуллинăн, "Родина" фермер хуçалăхĕсемпе "Рассвет" ЯХПК тата "Слава картофелю" агрофирма.
А.ИСАЕВА.
Источник: "Каçал Ен"