06 февраля 2018 г.
Февралĕн 3-мĕшĕнче Шупашкарти Хĕрлĕ тỹремре "Раççей - манăн чĕрере" митинг-концерт иртнĕ. Ăна Раççейри Ырă тăвакансен çулталăкне халалланă.
Мероприятие вĕренỹ учрежденийĕсенчи ырă тăвакансемпе волонтерсем, обществăлла юхăмсен хастарĕсем, сывă пурнăç йĕркине пăхăнакансем тата ыттисем те хутшăннă.
Пухăннисене Шупашкар хулин пуçлăхĕ Евгений Кадышев, депутатсем саламланă. Пурте пĕрле тăрса спорт хусканăвĕсем туни ырă тăвакансен кăмăлне çĕклентернĕ. Паллă артистсемпе пултарулăх ушкăнĕсем илемлĕ юрă-кĕвĕ шăрантарнă. Шупашкар хулин тĕп катокĕ çинче Шкул хоккей лиги хăйĕн пултарулăхĕпе паллаштарнă.
Источник: "Каçал Ен"