02 февраля 2018 г.
Аслă ăру поэчĕ, куçаруçи, прозаикĕ тата критикĕ Митта Ваçлейĕ çуралнăранпа часах 110 çул çитет. Чăваш литературинче паллă йĕр хăварнă çынна халалласа Чăваш наци конгресĕн вĕренỹ комитечĕпе Чăваш наци библиотеки, "Хыпар" издательство çурчĕн "Тăван Атăл" литературăпа культура тата искусство журналĕпе чăваш ачисен юратнă "Тантăш" хаçачĕ "Сăваплă ят" викторина ирттереççĕ.
Литература вăййине Чăваш Енри, çав вăхăтрах Раççейĕн ытти регионĕсенче пĕлỹ пухакан шкул ачисем, профессипе техника училищисенче тата колледжсемпе техникумсенче вĕренекенсем, аслă шкул студенчĕсем, çамрăксем, вĕрентекенсемпе библиотека ĕçченĕсем, Митта Ваçлейĕн пултарулăхне кăмăллакансем хутшăнма пултараççĕ. Викторинăра пурĕ 10 ыйту. Вĕсемпе тĕплĕнрех "Хыпар" хаçатăн официаллă сайтĕнче "Конкурссем" уйрăмра е çак каçăпа куçса (http://hypar.ru/cv/savapla-yat-viktorina-0) паллашма пултаратăр. Хатĕр хуравсене 2018 çулхи февралĕн 28-мĕшĕччен "Митта Ваçлейĕн конкурсне" паллăпа 428032, Чăваш Республики, Шупашкар хули, Воробьев композиторсен урамĕ, 10-мĕш çурт, Чăваш наци конгресĕ адреспа йышăнаççĕ. Электрон почта: congress21@mail.ru
Ыйтса пĕлмелли телефонсем - 8(8352)62-35-61, 62-82-05.
Источник: "Каçал Ен"