22 декабря 2017 г.
Улатăр хулинче пурăнакан Сергей В. радиоканалсенчен пĕри ирттернĕ "Много денег. Перезагрузка" супервăйăра хваттер выляса илнĕ. 42,5 тăваткал метрлăскер хăтлă класлă шутланать, вăл Кремльтен 10 километрта вырнаçнă.
Выляв 8,5 уйăха тăсăлнă, унта пин-пин çын хутшăннă. Сергей Мускава куçса каймĕ, çĕнĕ вырăнта унăн çĕршывăн тĕп хулинче ĕçлесе пурăнакан аслă хĕрĕ тĕпленĕ. Кун пирки вăл радиоэфирта пĕлтернĕ. "Пĕрремĕш хут шăнкăравласан ĕненмерĕмĕр. Хумханнипе чĕтреме пуçларăм", - тенĕ Сергей.
Хваттер выляса илнĕ Улатăр арçыннин налук тỹлеме тивĕ.
Источник: "Каçал Ен"