19 декабря 2017 г.
Декабрĕн 18-мĕшĕнче ЧР Правительство çуртĕнче эрнесерен иртекен канашлура Чăваш Республикин ял хуçалăх министрĕ Сергей Артамонов сыснасен африка чумине аталанма чаракан мерăсене йышăннă пирки каласа панă. Аса илтеретпĕр, иртнĕ эрнере Пăрачкав районĕнчи Улхашри сунар хуçалăхĕн территорийĕнче икĕ хир сыснин виллине тупнă. Тĕрĕслев ирттернĕ хыççăн вĕсем сыснасен африка чумин вирусĕпе вилни палăрнă.
Чăваш Республикин Пуçлăхĕ Михаил Игнатьев республикăра чиртен асăрханма декабрĕн 15-мĕшĕнчен карантин йĕркелеме распоряжени кăларнă. Профилактика ĕçĕсем йĕркелеме пĕтĕм услови пур.
Питех пăшăрханма сăлтав çук. Хир сысни виллисене яллă вырăнсенчен 7 километрта тупнă. Выльăхсене те, какайне те халăхран пуçтармĕç хальхинче. Апла пулин те республикăра пурăнакансен асăрхануллă пулни пăсмасть.
Источник: "Каçал Ен"