08 декабря 2017 г.
Декабрь пуçламăшĕнче Пĕтĕм Раççейри "Чăваш пики - 2017" конкурс республикăра çиччĕмĕш хут иртнĕ.
Конкурса Самар, Тюмень, Иркутск, Чулхула облаçĕсенчен, Санкт-Петербург хулинчен, Тутарстан, Пушкăртстан тата Чăваш Республикисенчи тĕрлĕ ял-хуларан килнĕ 21 пике хутшăннă. Жюри членĕсем хĕрсен пултарулăхне тĕрлĕ енлĕ тĕрĕсленĕ.
"Раççей чăваш пики" ята Йĕпреç районĕнчи Луиза Ильина çĕнсе илнĕ. Ăна Крымра канма 25 пин тенкĕлĕх путевка парнеленĕ. Комсомольски районĕнчи Арина Галкина вара "Вице Раççей пики" пулса тăчĕ. Чиперкке "Паха тĕрĕ" фирмăн 10 пин тенкĕлĕх сертификатне тивĕçнĕ.
(Чăваш наци конгресĕн официаллă сайтĕнчен).
Источник: "Каçал Ен"