01 декабря 2017 г.
Ноябрĕн юлашки кунĕсенче Вăрнар районĕнче Чăваш Республикинчи чи лайăх халăх театрĕсемпе драма коллективĕсен "Тамаша" фестивалĕ виççĕмĕш хут иртнĕ.
Сăмах май каласан, республикăра хальхи вăхăтра 585 театр коллективĕ шутланать, вĕсенчен 49-шĕ "халăх театрĕ" ята тивĕçнĕ.Вăрнар районне çак кун 13 ушкăн çитнĕ. Артистсем хăйсен ăсталăхĕпе ялти культура çурчĕсенче паллаштарнă, тĕрлĕ автор шăрçаланă спектакльсене выляса кăтартса халăха тĕлĕнтернĕ.
Комсомольскинчи В.Х.Зайцева ячĕллĕ халăх театрĕ Санарпуçне çул тытнă. Халăх Лариса Носова режиссер ертсе пыракан коллектива хапăл туса йышăннă. Николай Угарин çырнă "Улькка кинĕн виçĕ кинĕ" камит вара пурне те питĕ килĕшнĕ. Пухăннисем, сцена çинчисем çине пăхса, хырăм тытса ахăлтатнă. Коллектив Диплома тивĕçнĕ.
А.ДЕНИСОВА.
Источник: "Каçал Ен"