01 декабря 2017 г.
Ноябрĕн 29-мĕшĕнче Комсомольски район администрацийĕн ларусен залĕнче Чăваш Республикин Патшалăх Канашĕн депутачĕ Петр Краснов халăха харпăр хăй ыйтăвĕсемпе йышăнчĕ. Йышăнăва пынисен ыйтăвĕсем, чăнах та, питĕ йышлă. Вĕсем пурнăçăн тĕрлĕ сферисемпе тỹрремĕнех çыхăннă.
Чылайăшне çĕнĕ урамсенчи çулсем хĕррипе тротуар сарасси, çав вăхăтрах маларах сарнă çулсене кирлĕ пек тытса тăрасси кăсăклантарчĕ.
Комсомольскинчи К.Антонов микрорайонĕнче пурăнакансем те депутат патне çав ыйтупах çитнĕ. Унсăр пуçне вĕсене капиталлă юсав ĕçĕсемпе çыхăннă ытти çивĕч ыйту та канăçсăрлантарчĕ.
Граждансенчен çитнĕ нумай-нумай ыйту çине ЧР Патшалăх Канашĕн депутачĕпе Петр Крас- новпа район администрацийĕн пуçлăхĕ Александр Осипов хуравларĕç, хăшпĕр лару-тăру тĕлĕшĕнчен вара ятарлă тĕрĕслев ĕçĕсем ирттерме сăмах пачĕç.
Источник: "Каçал Ен"