21 ноября 2017 г.
Чăваш Енре, çав шутра пирĕн районта та, ноябрĕн 13- 23-мĕшĕсенче "Вилĕм ăçта сутнине пĕлтер!" акцин иккĕмĕш тапхăрĕ иртет. Акцин тĕп тĕллевĕ - наркотик тата психоактивлă хутăшсен саккунсăр çаврăнăшне пỹлесси. Вунăкунлăх вăхăтĕнче республикăра наркомани ыйтăвĕпе профилактика ĕçĕсем иртеççĕ, наркотикпе "туслашма" ĕлкĕрнисене сывалма пулăшасси те - малти вырăнтах.
Акци вăхăтĕнче район территорийĕнче пурăнакансем шанăç телефонĕсем çине 8(8352)58-33-33 номерпе ЧР ШĔМĕн Наркотĕрĕслев управленине, 5-14-17 номерпе муниципалитетсем хушшинчи "Комсомольский" уйрăма, 5-12-02 номерпе шăнкăравласа наркотиксемпе ăçта усă курни тата ăна ăçта сутни çинчен анонимлă майпа пĕлтерме пулать. Çавăнпа пĕрлех Комсомольски тĕп больницин врач-наркологĕ Л.Ярышева патне çитсе е 5-24-37 номерпе шăнкăравласа консультаци тата квалификациллĕ пулăшу илме те май пур. Йĕрке хуралçисем çынсем хастар пуласса, вилĕме ăçта сутнине пĕлтерессе шанаççĕ.
И.АВДЕЕВ.
Источник: "Каçал Ен"