17 ноября 2017 г.
Районти "Кĕтне" физкультурăпа спорт комплексĕнче сывлăха çирĕплетме пĕтĕм услови те пур. Пĕри бассейнра ишсе киленет, теприсем тренажер за-лĕнче сывлăхне çирĕплетеççĕ, виççĕмĕшĕсем тĕрлĕ секцисене çỹреççĕ.
Çамрăксем çеç мар, аслăрах çулхисем те хаваспах çỹреççĕ комплекса. Сăмахран, пенсионерсемшĕн меллĕрех пултăр тесе халиччен вĕсем валли эрнере пĕр хутчен 1 сехет тỹлевсĕр кĕме майсем туса панă. Малашне вара пенсионерсем эрнере икĕ хутчен - ытларикунпа эрнекун - тỹлевĕн çур хакĕпе (50 тенкĕпе) спорт комплексне çỹреме пултараççĕ.
Тепĕр çĕнĕлĕх те пур. Ноябрĕн 20-мĕшĕнчен бассейнра ишсе киленнисĕр пуçне саунăна та кĕрсе ăшăнма май пулĕ. Çакă пĕтĕмпех районта пурăнакансене сывă пурнăç йĕркипе ытларах туслаштарас тĕллевпе йĕркеленет. Çавăнпа та "Кĕтне" физкультурăпа спорт комплексне сире хаваспах кĕтетпĕр. Эпир тунтикунпа эрнекунсенче 9-21 сехетсенче ĕçлетпĕр, канмалли кунсенче - 10-19 сехетсенче.
И.ЕГОРОВ,
директор.
АНОНС
Ноябрĕн 18-мĕшĕнче черетлĕ спортпа сывлăх кунĕ иртет. Кăмăл тăвакансем "Кĕтне" физкультурăпа спорт комплексĕнчи тренажер залне, бассейна çак кун тỹлевсĕр кĕме пултараççĕ.
Источник: "Каçал Ен"