14 ноября 2017 г.
Ноябрĕн 10-мĕшĕнче Чăваш Республикин Патшалăх Канашĕн черетлĕ 14-мĕш ларăвĕ иртнĕ. Депутатсем унта республика хыснине улшăнусем кĕртнĕ. Кăçал çак документа виççĕмĕш хут тỹрлетỹсем кĕртнĕ.
Республикăн кăçалхи бюджечĕ вăтамран 499,6 млн ỹсесси паллă. Сывлăх сыхлавне илсен, Шупашкарти Ленин проспектĕнче нумай функциллĕ поликлиникăра строительство пырать. Хулари 2-мĕш номерлĕ ача-пăча больницине реконструкцилеме те укçа-тенкĕ палăртса хунă.
Республикăра вĕрентỹ пайне аталантарма хушма пулăшу пулĕ, кăтарту 356,5 млн танлашать. Вĕсенчен 156,5 млн регионти муниципалитетсене куçать, унта ĕçлекенсен шалу укçине ỹстерме тăкакланĕ. Çĕрпỹре Кăнтăр микрорайонта çĕнĕ шкул тума та хыснара укçа пăхса хăварнă. Ытти отрасле те самай укçа уйăрĕç.
Источник: "Каçал Ен"