Публикации » Икĕ ертỹçĕ улшăннă

31 октября 2017 г.

Пурнăç улшăнусемсĕр пулмасть. Октябрь уйăхĕнче пирĕн районти икĕ организацие çĕнĕ çынсем ертсе пыма пикенчĕç. Юпа уйăхĕн 25-мĕшĕнче "Кĕтне" физкультурăпа спорт комплексĕн ертỹçине конкурс ирттерсех палăртрĕç. Асăннă конкурс çĕнтерỹçи ИВАН ВАСИЛЬЕВИЧ ЕГОРОВ пулнă. Вăл Елчĕк районĕнчи "Улăп" ФОК директорĕнче, Çирĕклĕ Шăхаль вăтам шкулĕнче физкультура учителĕнче ĕçленĕ.

Октябрĕн 27-мĕшĕнче вара район больницин ертỹлĕхĕнче те улшăну пулса иртнĕ. Коллектива ертсе пынă Валентина Озерова урăх ĕçе куçнă май тĕп врач тивĕçĕсене пурнăçлама НИКОЛАЙ АЛЕКСЕЕВИЧ ВАСИЛЬЕВА шаннă. Николай Алексеевич халиччен Йĕпреç тĕп больницин анестезиологипе реанимаци уйрăмĕн анестезиолог-реаниматолог врачĕнче ĕçленĕ.

Л.ШУРЯШКИНА.

Источник: "Каçал Ен"