Публикации » Ял хуçалăх ĕçченĕсене чыслаççĕ

31 октября 2017 г.

Иртнĕ эрнере район администрацийĕн пуçлăхĕ Александр Осипов районти Ял хуçалăх тата тирпейлекен промышленноç ĕçченĕсен кунне йĕркелессипе оргкомитетăн черетлĕ ларăвне ирттернĕ. Уява маларах ноябрĕн 9-мĕшĕнче ирттерме палăртнине пĕлтернĕччĕ. Ял хуçалăх предприятийĕсенче ĕçсене вĕçлеме май килменрен (сахăр кăшманне кăларса пĕтермен, хĕвелçаврăнăшне çапса илмелле) ăна ноябрĕн 10-мĕшне куçарнă. Уяв районти культурăпа кану центрĕнче иртет. Унта чи маттур ĕçченсене, ăнăçлă ĕçлекен ял хуçалăх кооперативĕсен коллективĕсене чыслĕç. Унпа пĕрлех ял хуçалăх продукцийĕсен "Кĕр парнисем - 2017" куравĕ те пулĕ, çавăнтах ялта туса илекен, районта тирпейлекен продукцие туянма та пулĕ. Çавăнпа та уява çитсе курăр!

А.АНТОНОВА.

Источник: "Каçал Ен"