27 октября 2017 г.
Иртнĕ эрнере "Кĕтне" физкультурăпа спорт комплексĕнче спортпа ĕç ветеранĕн Ф.Г.Рахимзяновăн парнисене çĕнсе илессишĕн регионсем хушшинчи волейбол турнирĕ иртрĕ.
Ăмăртăва Чулхула, Тутарстан Республикин, Чăваш Ен спортсменĕсем хутшăнчĕç. 16 команда мала тухассишĕн тупăшрĕ. Турнир чăннипех те хĕрỹ иртрĕ. Район чысне хỹтĕлекен "Урмай-Спартак "Исаково" команда ăмăртура 1-мĕш вырăна алăран вĕçертмерĕ. Иккĕмĕш вырăнта - Муркаш районĕнчен килсе çитнĕ "МетПласт" команда. Чулхулари "Сантевиль" команда - виççĕмĕш.
Волейболла маттур вылякансене те палăртса хăварчĕç. Юрий Гордеев, Константин Кондратьев, Вячеслав Яшнов чи лайăх вылякансем ята тивĕçрĕç.
Г.ГИНАТУЛЛИНА.
Источник: "Каçал Ен"