24 октября 2017 г.
Килес çул чăваш халăх патриархĕ çуралнăранпа 170 çул çитет. Çавна май Чăваш Республики 2018 çула Иван Яковлевич Яковлев çулталăкĕ тесе йышăнасшăн. Республика Пуçлăхĕн Указĕн проектне ЧР Культура министерстви хатĕрленĕ.
Проектăн тĕп тĕллевĕ - Атăлçи тата Урал тăрăхĕнчи халăхсен вĕренỹ системине йĕркелеме пысăк пай кĕртнĕ, чăваш алфавитне тунă пархатарлă çыннăн ятне ĕмĕрлĕхе хăварасси.
Сăмах май, Чăваш Енре 2015 çул Константин Иванов поэт ячĕпе хисепленнĕ çулталăк пулнă.
Источник: "Каçал Ен"