Публикации » Республикăна - хушма укçа-тенкĕ

20 октября 2017 г.

Октябрĕн 18-мĕшĕнче Раççей Федерацийĕн Президенчĕ Владимир Путин 2012 çулхи майăн 7-мĕшĕнче йышăннă "О мерах по реализации демографической политики Российской Федерации" хушăва улшăну кĕртнĕ. Вăл çитес çулхи январĕн 1-мĕшĕнчен вăя кĕрет. Президент хушăвĕпе килĕшỹллĕн улшăну 2012 çулхи декабрĕн 31-мĕшĕ хыççăн çуралнă виççĕмĕш е ытларах ачасене уйăхсерен тỹлеме федераци бюджетĕнчен регионсене уйăракан укçа-тенке пырса тивет. Сăмахран, 2016 çулта пирĕн регионти демографи кăтартăвĕсем Раççей шайĕнчи вăтам кăтартуран пысăкрах пулнăран республикăри ачасем валли федераци бюджетĕнчен укçа-тенкĕ уйăрман. Халĕ вара çитес çултан, улшăнусем кĕртнĕ май, республикăра нумай ачаллă çемьесем тивĕçлĕ пулăшупа усă курма пуçлĕç. 8,7 пин ача тỹлеве тивĕçĕ.

Источник: "Каçал Ен"