13 октября 2017 г.
Юпа уйăхĕн 16-21-мĕшĕсенче Чăваш Енре III Ял кинофестивалĕ иртет. Пуçласа асăннă фестивале 2015 çулта йĕркеленĕ. Унăн программи çулсерен пуянлансах пырать.
Сăмахран, пĕлтĕртенпе фестивале Чăваш Республикин кинематографĕсен фильмĕсене тата Чăваш Енĕн Ылтăн фондĕнчи фильмсене кĕртнĕ.
Кинофестиваль вăхăтĕнче фильмсене нумай функциллĕ "Киномобиль" культура центрĕ пулăшнипе кăтартаççĕ. Хальхи йышши оборудовани кирек хăш вырăнта та пысăк экрансем çинче пахалăхлă фильмсем кăтартма май парать.
Кăçалхи "Наши Матери, наши Отцы" ял кинофестивальне юпа уйăхĕн 16-мĕшĕнче Шупашкар районĕнчи Çĕньялта уçаççĕ. Пилĕк кун хушшинче куракансем "Мамы", "Отцы", "Дневник мамы первоклассника", "Дочь", "Страна хороших деточек" фильмсене курса киленме пултараççĕ.
Источник: "Каçал Ен"