10 октября 2017 г.
Халăх пултарулăхĕн республика центрĕ Константин Иванов ячĕллĕ Чăваш патшалăх академи драма театрне йĕркеленĕренпе 100 çул çитнине халалласа культурăпа массăллă мероприятисен "Халăх юратакан театр" конкурсне ирттерет.
Ăна культура ĕçченĕсен професси опытне лайăхлатас, кану ĕçĕнче инноваци мелĕсемпе усă курас, клубсенчи мероприятисене халăха ытларах явăçтарас, паллă театрăн ĕç-хĕлĕпе туллинрех паллаштарас тĕллевпе йĕркеленĕ. Конкурса муниципалитет шайĕнчи культурăпа кану учрежденийĕсен хутшăнма май пур. Ĕçсене икĕ номинацире - "Хула шайĕнчи чи лайăх культурăпа массăллă мероприяти" тата "Ял тăрăхĕсенчи чи лайăх культурăпа массăллă мероприяти" - палăртĕç. Материалсене кăçалхи юпа уйăхĕнчен пуçласа чỹк уйăхĕн 26-мĕшĕччен Халăх пултарулăхĕн республика çурчĕн электрон адресĕпе ярса памалла.
("ХЫПАР" хаçатран).
Источник: "Каçал Ен"