10 октября 2017 г.
Сочире иртекен Пĕтĕм тĕнчери çамрăксен 19-мĕш фестивальне Чăваш Енрен 125 çын хутшăнмалла. Унсăр пуçне 60 волонтер çула тухмалла.
Юпа уйăхĕн 14-22-мĕшĕсенче Раççей Пĕтĕм тĕнчери çамрăксемпе студентсен фестивальне кăçалхипе виççемĕш хут йышăнать. Унччен вăл Мускавра 1957 тата 1985 çулсенче иртнĕ. Мероприятие 180 çĕршывран 20 пин çамрăк килсе çитмелле. Республика Пуçлăхĕ Михаил Игнатьев фестивале каякансене лайăх хатĕрленме, Чăваш Ен чысне тивĕçлипе кăтартма, хастар тата пуçаруллă пулма сĕннĕ. Инçе çĕртен çĕнтерỹпе таврăнма суннă. Вĕсем фестивальте регионсен куравĕсенче, культура программинче республикăпа паллаштарĕç.
(ХАМĂР ИНФ.).
Источник: "Каçал Ен"