03 октября 2017 г.
Çурла уйăхĕн 27-мĕшĕнчен пуçласа авăнăн 25-мĕшĕччен таварсен хакĕ епле вылянине Чăвашстат тишкернĕ, пĕтĕмлетĕве Чăваш Енĕн Экономика министерстви хăйĕн сайтĕнче пичетленĕ. Ăна тишкерсен куллен кирлĕ хăш-пĕр апат-çимĕç хакланни курăнать.
Унта палăртнă тăрăх, асăннă тапхăрта кишĕр 22% (6,5 тенкĕ), çĕр улми 21% (4,6 тенкĕ), пуçлă сухан тата панулми 15% (3,8 тата 13,4 тенкĕ), купăста 14% (1,9 тенкĕ), сахăр 14% (5,6 тенкĕ), хуратул 5% (2,1 тенкĕ), вермишель 3% (1,1 тенкĕ) йỹнелнĕ.
Сысна какайĕн, кăлпассин, ỹсен-тăран çăвĕн, хăйман, тăварăн хакĕсем вара улшăнман.
Çав вăхăтрах чăх çăмарти хакĕ 14% таран ỹснĕ. Унсăр пуçне тăпăрчă - 6,7 тенкĕ, чей - 18,1 тенкĕ, I тата II сортлă çăнăхран пĕçернĕ çăкăр - 1 тенкĕ, шăнтнă пулă - 3 тенкĕ, сыр 6,6 тенкĕ хакланнă.
Источник: "Каçал Ен"